Birdəfəlik bilmək lazımdır: elmlə din kəsişmir!

Son zamanlar Azərbaycanda elm-din münasibətləri sferasında böyük spekulyasiyaların getdiyini sezməmək mümkün deyil. Bunun artıq konkret nəticələri də var: bir qism gənclərin dinə olan meyli onları dünyəvi elmlərə qarşı kökləyir; belələri dini və elmi postulatları bir-birinə qarşı qoymağa, ikisinin arasında seçim etməyə, yaxud, inanclarını elmlə əsaslandırmağa çalışırlar. Eyni zamanda ateistlər də “elm” dən faydalanmaqla haqlı olduqlarını göstərməyə cəhd edir. Belə gənclərlə son vaxtlar yaman tez-tez qarşılaşırıq (Bu bloqda gedən müzakirələrin özünüz də şahidi olmusunuz!). Bu, açığı, təhlükəli meyldir və ilk növbədə fəlsəfi savadsızlıqdan doğur. Belə halların dərinləşməməsi üçün istər elmə, istərsə də dinə pərəstiş edənlərin əsas paradiqmanı düzgün qavraması və ətlə milçəyi bir-birindən ayırması vacibdir.
Birincisi: Elm nədir? Elmin dediyi mütləq həqiqətdirmi?

Olay olub lap bu yaxınlarda, hələ qırxı da çıxmayıb. . . Ölkənin  adı  qulaq cingildədən ali məktəblərinin birində Politologiya dərsi imiş. Dərsin şirin yerində tələbələrdən biri müəllimə belə bir sual verib:
- Müəllim, düzdürmü ki, “PALTAlogiya” sözü “BALTA” sözündən götürülüb?

***
Mənim üçün bu əhvalat simvolik mahiyyətli. Həmin tələbə Azərbaycan tələbəliyinin simvioludur, adını bilərəkdən çəkmədiyim ali məktəb Azərbaycanın ali təhsilinin, balta isə bizim düşüncə tərzimizin. 

Minsk qrupu özü öz əleyhinə səs verməklə siyasi absurd örnəyi yaratdı

Martın 14-də BMT-nin Baş Məclisində yaşananlara - yəni, Azərbaycanın işğal olunmuş ərazilərindəki vəziyyətlə bağlı qətnamənin qəbuluna iki baxımdan yanaşmaq mümkündür. Birincisi, istənilən halda, Azərbaycanın işğal altındakı ərazilərindəki vəziyyətlə bağlı A/62/L.42 saylı qətnamənin qəbulu diplomatik uğurdur. Çünki superdövlətlərin beynəlxalq hüququn üzərində təhlükəli eksperimentlər aparıqları indiki dönəmdə BMT-nin bu qətnaməsinə Azərbaycanı bir çox manipulyasiyalardan sığortalayacaq bir sənəd kimi də baxmaq olar.   

Bu gün MDB-nin tarixində ən qara günlərdən biri ola bilər.  Çünki  Rusiya  Duması MDB məkanındakı qlobal problemlərin müzakirəsi çərçivəsində Abxaziya və Güney Osetiyanın müstəqilliyinin tanınmasına baxacaq. Və Dumanın bu məsələylə bağlı müsbət qərar qəbul edəcəyi ehtimalı heç də az deyil.
Birincisi, müzakirələrə Güney Osetiya, Abxaziya və Dnestryanı separatçılarının liderlərinin dəvət olunması elə-belə jestə oxşamır.  

Dostlar, bu yazılar ayrı-ayrı vaxtlarda bloqda dərc olunub, amma o vaxtlar indiki qədər çox deyildik. Təbii, müzakirələr də olduqca sönük idi. Ona görə, gahramanov’un təklifindən sonra qərara gəldim ki, onları birləşdirərək, bəzi "apqreyd"lərlə yenidən ana səhifəyə qoyum. Müzakirə üçün.
Beləliklə:

(Dorian Qreyin portreti)

Ötən yazıda Azərbaycanın obrazsız qadınının portretini cızandan sonra, janrın qanunları indi də molberti kişilərə tərəf çevirməyi tələb edir. Maraqlıdır: görəsən, ən çox işlənən məsəllərindən biri “adam kişi olar” şəklində deyilən xalqın kişisi hansı obrazdadır, onun virtual portretində hansı cüzgilər daha qabarıqdır? (Əlbəttə, söhbət qətiyyən konkret fərdlərdən getmir, biz ümumiləşdirilmiş obrazın təsvirinə çalışacağıq).