Aprelin 24-də bütün dünyada yenə də “Erməni soyqımı” fırtınası yaşandı. Heç kimə sirr deyil ki, bu, sırf siyasi kartdır və sırf siyasi məqsədlərlə ortaya atılıb. Və o da sirr deyil ki, Qərb dövlətlərinin özlərinə qarşı da yönəldilə biləcək belə “kart”lar yetərincədir. Sadəcə, bunu edə biləcək gücdə və səviyyədə olan oyunçu hələ ki, təəssüf, yoxdur. Buna baxmayaraq, qərblilərin özlərinin törətdikləri soyqırımların bəzilərini yada salmaq pis olmazdı.

Amerikada Xristofor Kolumbun ayağı bu qitəyə dəyəndən bəri (1491) ən azı, 100 milyon nəfər aborigen əhali qırılıb! Devid Stennard adlı tarixçi “Amerika Holokostu” kitabında avropalıların Amerikada törətdiklərini “tarixin gördüyü ən böyük soyqırımı” adlandırır. Həmin soyqırımının ilk qurbanları Siu hindi qəbilələri olub - indiki Qərbi Hempşirin ərazisində yaşayan aborigen əhali demək olar ki, tamamilə məhv edilib.

Qapqaraca qız üçün!!! 

Əslində bu mahnıdakı sentimentalıq bütövlükdə götürəndə Ahmet Kayanın yaradıcılığı üçün qətiyyən tipik deyil. O, adətən etiraz ideologiyası, PROTEST ESTETİKASI üzərində yazıb, bəstələyib və oxuyub. Həmin kəskin etiraz notları “Yazamadım” mahnısında yoxdur. Amma maraqlıdır: görəsən, etiraz həzin ola bilərmi? Əgər bilərsə, onda bu mahnıda həzin, artıq qismətilə barşımış bir etiraz var… Bu, sanki quşun son nəğməsidir, son nəfəsdə olan etirazçının pıçıltısıdır… 
Mahnının özü burada, klipi burada, sözləri isə ardındadır. 

Qaraca qız üçün.
Ahmey Kayanın yaradıcılığında Rok janrı forma baxımından o qədər də geniş yer tutmur. Amma fəlsəfəsinə varanda – ETİRAZ FƏLSƏFƏSİ, protest kontrkulturası onun ana xəttidir. Ahmet Kayanın hər notunda, hər sözündə protest var. Bu protestin püskürdüyü mahnılardan olan “İçimdə ölən biri” bəstəsini, məncə, protest kontrkulturasının himni qəbul etmək olar. Siz necə düşünürsünüz?
Ardında mahnının sözləri var.

Oskanyanın Nalbandyanla əvəzlənməsinin səbəbi nə ola bilər

Artıq bir neçə gündür ki, Ermənistanı yeni prezident idarə edir. Sərkisyanın yönəltdiyi Ermənistanın Köçəryan Ermənistanından hansısa fərqləri olacaqmı? Ümumiyyətlə, bu ölkədə hansı proseslərin inkişafını gözləmək mümkündür?
Simvolik haldır ki, ötən həftə Sərkisyanın and içdiyi dəqiqələrdə Yerevanın digər səmtində müxalifətçilər toplaşaraq, mitinq dağıdılarkən həlak olmuş insanların qırxını qeyd edirdilər. Bu hal ona işarə sayıla bilər ki, Sərkisyanın hakimiyyəti heç də hamar keçməyəcək. O, davamlı olaraq bir yandan özünün legitimliyini təsdiqləmək, o biri tərəfdən isə daxili etirazları zərərsizləşdirmək zorunda qalacaq. Bu ikisinin eyni zamanda optimal həlli isə mümkün deyil.   

Pritça

Uzaq ölkələrin birində çox müdrik bir hökmdar vardı. Günlərin birində onun vəziri bağışlanmaz suç işlədir: qonşu ölkənin şahına çuğulluq edir. Buna ancaq bir cəza düşürdü – ölüm!
Amma qoca hökmdar vəzirini həmişə çox sevmişdi. Buna görə ona bir fürsət vermək istəyir. Edam günü taxta çıxıb, yenidən divan qurur. Vəziri gətirib iki cığırın arasında saxlayırlar. Cığırların biri cəllad kötüyünə, o biri isə qapqara bir qapıya doğru gedirdi. Bir yanda baltası əlində müntəzir dayanan cəllad, o biri yanda qapqara Məchulluq...